作為前線醫護人員，我(地)最嬲既係...
求診既人永遠隱瞞自己病歷
->急症室唔講，上到病房都唔想講，只係問症被發現，唔單止令普通病房既同事陷於險境，更無辜既係周圍既病人
不斷服務大陸人
->已經確診8宗啦，懷疑個案不斷上升，一日唔封關，即係不斷要收，做死我地，我地係服務香港市民，但你要我用條命服務一班對醫護一啲都唔客氣既人，醫好仲有可能走數添，我就過唔到自己；同埋病房數目就得咁多，人手就得咁多，當愈多需要隔離既病人，咁其他市民訓邊？唔通你又6日起間醫院？
醫管局未有清晰指引
->每每網上有流傳某某病房點點點，第二日先開記招澄清，我絕對唔排除有發生過只係因為公開左啲高層迫於無奈要解決；另外，究竟咩人去隔離病房、去幾耐、之後點隔離... 仍然好唔清晰，甚至有啲因為突然要開隔離病房而臨時被捉去，毫無心理準備
未有足夠保護措施
->雖然我地有時會話入隔離病房做仲安全，起碼硬件軟件都準備好；其實並非無道理，有啲普通病房甚至連N95都未準備好，當你戴左又覺得你製造恐慌(但又唔敢當面話你，扮晒明白咁)，換得密又怕返唔切貨，但同時又要秉持infection control，所以由救護員到急症室同事到病房同事都保護不足
給香港人，我地唔係貪生怕死既人，只係我地需要知道自己做緊咩，唔係用生命換生命；給醫院高層，唔好再同我講03年沙士，當年你地無事，如今位高權重，就變得迂腐了嗎？當年你地點捱點捱，我會尊敬你，不過如今面對更厲害既病毒、面對與民為敵既政府，恕我不能就此硬食
自己前路自己救，一時啞忍，永世後悔，請即加入工會醫管局員工陣線 HA Employees Alliance，齊上齊落💪🏻 回應訴求，否則罷工！
Search